105

امریکی ریاست ٹیکساس کے ہائی اسکول میں فائرنگ، پاکستانی طالبہ سمیت 10 ہلاک

ٹیکساس: امریکی ریاست ٹیکساس کے شہر سانتافی کے ہائی اسکول میں فائرنگ کے نتیجے میں 9 طالب علموں اور ایک استاد سمیت 10 افراد ہلاک جبکہ 10 زخمی ہوگئے۔

جاں بحق ہونے والوں میں ایک پاکستانی طالبہ سبیکا شیخ بھی شامل ہے۔کراچی کی رہائشی 17 سالہ سبیکا اسکالر شپ پروگرام کے تحت امریکا پڑھنےگئی تھی۔

کراچی کی رہائشی 17 سالہ سبیکا اسکالر شپ پروگرام کے تحت امریکا پڑھنےگئی تھی—۔فائل فوٹو
امریکی میڈیا کے مطابق یہ واقعہ سانتافی کے ایک ہائی اسکول میں پیش آیا جہاں ایک طالب علم نے اسکول میں گھس کر اندھا دھند فائرنگ کردی۔

واقعے کے فوری بعد پولیس اور دیگر سیکیورٹی اداروں کی درجنوں گاڑیوں اور 3 ہیلی کاپٹرز نے اسکول کو گھیر لیا۔

بعدازاں مقابلے کے بعد 17 سالہ حملہ آور سمیت 2 افراد کو گرفتار کرلیا گیا۔

گرفتار حملہ آور کی شناخت دمتریوز پیگورٹزس کے نام سے ہوئی ہے، جو سانتافے اسکول کا ہی طالب علم ہے۔

مقامی حکام کا کہنا ہے کہ واقعے کے بعد 2 مقامات پر تلاشی لی گئی جہاں سے مزید دھماکا خیز مواد بھی برآمد ہوا۔

‘حملہ آور خودکشی کرنا چاہتا تھا’

17 سالہ حملہ آور دمتریوز پیگورٹزس—۔ فوٹو/ رائٹرز
دوسری جانب حملہ آور طالب علم کے زیر استعمال ایک ڈائری سے معلوم ہوا ہے کہ وہ خودکشی کرنا چاہتا تھا مگر اس کی ہمت نہ کر پایا۔

گورنر ٹیکساس نے بتایا کہ فائرنگ کرنے والے طالب علم نے اپنے والد کی بندوق استعمال کی، ملزم نےخود کو پولیس کے حوالے کردیا تھا۔

پاکستانی طالبہ کی ہلاکت کی تصدیق

امریکا میں تعینات پاکستانی سفیر اعزاز احمد چوہدری نے اسکول میں فائرنگ کے واقعے پر افسوس کا اظہار کرتے ہوئے جاں بحق ہونے والوں کے ورثاء سے تعزیت کا اظہار کیا۔

Pakistan Embassy, DC

@PakEmbassyDC
Ambassador Aizaz Ahmad Chaudhry has expressed heartfelt condolences for the victims of the tragic incident at the Santa Fe High School in Texas this morning 1/3

3:06 AM – May 19, 2018 · Arlington, VA
13
See Pakistan Embassy, DC’s other Tweets
Twitter Ads info and privacy
پاکستانی سفارت خانے نے واقعے میں سبیکا شیخ کی ہلاکت کی تصدیق کرتے ہوئے طالبہ کے اہلخانہ اور دوست احباب سے تعزیت کا اظہار کیا۔

Pakistan Embassy, DC

@PakEmbassyDC
Among the victims was Sabika Sheikh, a Pakistani exchange student. “Our thoughts and prayers are with Sabika’s family and friends”. Ambassador Chaudhry 2/3

3:06 AM – May 19, 2018 · Arlington, VA
69
55 people are talking about this
Twitter Ads info and privacy

پاکستانی سفارت خانے کی جانب سے جاری کیے گئے بیان میں مزید کہا گیا کہ پاکستانی طالبہ سبیکا شیخ سے متعلق تفصیلات کا انتظار ہے اور ہیوسٹن میں پاکستانی قونصلیٹ اس حوالے سے الرٹ ہے۔

Pakistan Embassy, DC

@PakEmbassyDC
Our Consul General in Houston is in touch with the authorities concerned to ascertain facts 3/3

3:25 AM – May 19, 2018 · Arlington, VA
20
See Pakistan Embassy, DC’s other Tweets
Twitter Ads info and privacy

جیو نیوز سے خصوصی گفتگو میں پاکستانی سفیر اعزاز چوہدری نے بتایا کہ انہوں نے سبیکا کے والد سے بات کرکے تعزیت کی اور ہر ممکن مدد کا یقین دلایا۔

اعزاز چوہدری نے بتایا کہ ٹیکساس میں پاکستانی قونصل جنرل عائشہ فاروقی کو اس کا چارج دیا گیا ہے، میت کی جلد پاکستان روانگی ہمارا اخلاقی فرض ہے۔

انہوں نے مزید کہا کہ امریکامیں ایسے واقعات میں کچھ وقت لگتا ہے، لیکن کوشش ہے کہ کم سےکم وقت میں میت پاکستان روانہ کی جائے۔

1 سے 2 روز میں سبیکا کی میت وطن روانہ کردیں گے، پاکستانی قونصل جنرل

ٹیکساس میں پاکستانی قونصل جنرل عائشہ فاروقی نے جیو نیوز سے گفتگو میں ہائی اسکول میں فائرنگ سے پاکستانی طالبہ سبیکا کی موت پر افسوس کا اظہار کرتے ہوئے کہا کہ میت کی روانگی کے لیے حکمت عملی بنالی ہے،کل تک اہم پیشرفت ہوگی۔

تاہم ان کا کہنا تھا کہ ہفتہ وار تعطیل کے باعث میت کی روانگی میں تاخیر ہوسکتی ہے، پیر تک میت پاکستان بھجوانے کا انتظام کرنے کی کوشش کریں گے۔

عائشہ فاروقی نے مزید بتایا کہ ہوسٹن سے پاکستان کے لیےکوئی براہ راست فلائٹ نہیں ہے، میت کی براہ راست پاکستان روانگی کے لیے ایئرلائن سے رابطہ کریں گے۔

ڈونلڈ ٹرمپ کی مذمت

فائرنگ کے واقعے کے بعد امریکی صدر ڈونلڈ ٹرمپ نے اپنے بیان میں واقعے میں جاں بحق اور زخمی ہونے والوں کے اہلخانہ سے تعزیت کا اظہار کیا۔

ڈونلڈ ٹرمپ کا مزید کہنا تھا کہ ‘اس المناک موقع پر ہم آپ کے ساتھ ہیں اور ہمیشہ آپ کے ساتھ رہیں گے’۔

Donald J. Trump

@realDonaldTrump
We grieve for the terrible loss of life, and send our support and love to everyone affected by this horrible attack in Texas. To the students, families, teachers and personnel at Santa Fe High School – we are with you in this tragic hour, and we will be with you forever…

9:34 PM – May 18, 2018
55.7K
41.1K people are talking about this
Twitter Ads info and privacy

امریکا میں اسکولوں میں فائرنگ کے واقعات میں اضافہ

خیال رہے کہ گزشتہ آٹھ روز کے دوران کسی امریکی اسکول میں فائرنگ کا یہ تیسرا واقعہ ہے جبکہ رواں سال ایسے 22 واقعات رپورٹ ہوچکے ہیں۔

امریکی صدر کی اساتذہ کو اسلحہ سے لیس کرنے کی تجویز کی شدید مخالفت

فروری میں ریاست فلوریڈا کی کاؤنٹی پارک لینڈ میں واقع ایک ہائی اسکول میں سابق طالب علم کی فائرنگ کے نتیجے میں 17 افراد ہلاک اور متعدد زخمی ہوگئے تھے۔

گزشتہ سال نومبر میں ریاست کیلیفورنیا کے ایک اسکول میں فائرنگ کے نتیجے میں 4 افراد ہلاک اور 12 زخمی ہوگئے تھے۔

اس خبر پر اپنی رائے کا اظہار کریں

اپنا تبصرہ بھیجیں