8

شاہد آفریدی اور صادق محمد کے ایک دوسرے پر لفظی حملے

سابق ٹیسٹ کرکٹر صادق محمد نے کہا ہے شاہد آفریدی کو اپنے سینئرز کی عزت کرنی چاہیے۔

قومی ٹیم کے سابق کپتان شاہد آفریدی نے گزشتہ روز صادق محمد کو انڈر 19 ٹیم کا منیجر بنائے جانے پر تنقید کرتے ہوئے کہا تھا کہ صادق محمد کو عہدے کی نہیں دعاؤں کی ضرورت ہے۔

شاہد آفریدی کا کہنا تھا کہ بہتر ہوتا کہ یونس خان یا مصباح الحق کو جونیئر ٹیم کا منیجر بنا کر بھیج دیتے۔

شاہد آفریدی کی تنقید کے جواب میں صادق محمد کا کہنا تھا کہ شاہد آفریدی کو سینئرز کی عزت کرنی چاہیے، طنزیہ باتوں میں کچھ نہیں رکھا، میں آج بھی اپنے سینئرز کی عزت کرتا ہوں۔

ان کا کہنا تھا کہ کھلاڑیوں کی لفظی جنگ سے جہاں ایک دوسرے کی کردار کشی ہوتی ہے وہیں یہ جگ ہنسائی کا باعث بھی بنتی ہے۔

صادق محمد نے کہا کہ پاکستان کی انڈر 19 ٹیم جب ایشیا ء کپ کا سیمی فائنل یا فائنل کھیلے گی تو یہ آفریدی کے لیے جواب ہو گا۔

اس خبر پر اپنی رائے کا اظہار کریں

اپنا تبصرہ بھیجیں