بالی وڈ اداکارہ پریانکا چوپڑا اور ہالی وڈ گلوکار نک جونس کی شادی کے بعد ہاتھوں میں ہاتھ ڈالے تصاویر منظر عام پر آگئیں۔
پریانکا چوپڑا اور نک جونس کی شادی گزشتہ دنوں بھارت کے تاریخی شہر جودھپور کے عمید بھوان پیلس میں ہوئی جس میں ان کے قریبی دوستوں اور رشتے داروں نے شرکت کی۔
شادی کے بعد کی پہلی تصویر — فوٹو:بھارتی میڈیا
دونوں شخصیات کی شادی ہندو اور عیسائی مذہبی رسومات کے مطابق انجام پائی جبکہ شادی سے پہلے مہندی اور سنگیت کی تقریبات بھی منعقد کی گئیں۔
پریانکا چوپڑا اور نک جونس شادی کےبعد جودھپور شہر سے روانہ ہوگئے ہیں اور جوڑے کے 2 استقبالیہ ہوں گے جس میں فلمی ، سیاسی اور سماجی شخصیات شرکت کریں گی۔
نو بیاہتے جوڑے کی تصاویر سوشل میڈیا پر تیزی سے وائرل ہورہی ہیں جو کہ جودھپور ائیرپورٹ سے روانگی کے موقع پر لی گئی ہیں۔
تصاویر میں دیکھا جاسکتا ہے کہ اسٹار جوڑی ہاتھوں میں ہاتھ ڈالے ائیرپورٹ میں داخل ہورہی ہے۔
پریانکا چوپڑا نے سی گرین ساڑھی جب کہ نک جونس نے خاکی رنگ کی پینٹ شرٹ زیب تن کر رکھی تھی۔
بھارتی میڈیا رپورٹس کے مطابق پریانکا اور پردیسی بابو نک جونس کی شادی کے استقبالیے دہلی اور ممبئی میں ہوں گے۔
