کراچی اور راولپنڈی میں میڈیکل آفیسرز کرونا وائرس سے متاثر

کراچی: راولپنڈی اور کراچی میں 2 میڈیکل آفیسرز میں کرونا وائرس کی تصدیق ہو گئی ہے۔

اے ذرائع کے مطابق ملک میں کرونا وائرس کے وار جاری ہیں، پاکستان بھر میں فرنٹ لائن سولجر ڈاکٹرز اور طبی عملہ بھی اس سے متاثرہ ہونے لگا ہے،

راولپنڈی انسٹیٹیوٹ آف یورولوجی کے میڈیکل آفیسر میں وائرس کی تصدیق ہو گئی، کراچی میں بھی عباسی شہید کے چیف میڈیکل آفیسر متاثر ہو گئے

۔آر آئی یو کے میڈیکل سپرنٹنڈنٹ نے میڈیکل آفیسر ڈاکٹر شفقت میں کرونا وائرس کی تصدیق کر دی، ڈاکٹر شفقت کرونا وائرس کے خلاف فرنٹ لائن پر کام کر رہے تھے،

:مزید پڑھیں

ملائیشیا میں مقیم پاکستانی ملازمین کو ملائیشین لوگوں جیسی سہولیات دینے کا فیصلہ

انھیں آر آئی یو ہی میں زیر علاج رکھا گیا ہے۔عباسی شہید اسپتال کراچی کی ایمرجنسی میں کام کرنے والے سینئر میڈیکل آفیسر بھی وائرس سے متاثر ہو گئے ہیں

، جس کے بعد عباسی شہید اسپتال کی ایمرجنسی بند کر دی گئی، ایمرجنسی میں کام کرنے والے عملے کو بھی ٹیسٹ کرانے کی ہدایت جاری کر دی گئی۔

پاکستان میں مصدقہ کیسز کی تعداد 13328 ہو گئی، 281 جاں بحق واضح رہے کہ کرونا وائرس کی وبا کے خلاف جنگ میں فرنٹ لائن سولجر پروفیسر ڈاکٹر محمد جاوید، گلگت کے ڈاکٹر اسامہ اور کراچی کے ڈاکٹر عبدالقادر جام شہادت نوش کر چکے ہیں، اعداد و شمار کے مطابق پاکستان میں اب تک طبی عملے کے 250 سے زائد افراد کرونا سے متاثر ہوئے ہیں۔

ادھر پاکستان میں کرونا وائرس کے پھیلاؤ میں تیزی آ گئی ہے، گزشتہ چوبیس گھنٹوں میں مزید 12 افراد موت کے منہ میں چلے گئے، اموات کی کل تعداد 281 ہو گئی، نیشنل کمانڈ اینڈ آپریشن سینٹر کے مطابق ملک بھر میں چوبیس گھنٹوں میں مزید 605 نئے کیسز رپورٹ ہوئے، جس سے مجموعی کیسز کی تعداد 13,328 ہو گئی ہے۔

In English