6

حکومت نے 514 قیدیوں کا جرمانہ ادا کر کے انہیں رہا کردیا

لاہور: وزیراعلیٰ پنجاب عثمان بزدار متمول افراد کے دیے گئے عطیات کے ذریعے اکٹھے ہونے والے 38 لاکھ 20 ہزار روپے 657 غریب قیدیوں کے دیت اور جرمانوں کی مد میں ادا کر کے انہیں عید سے قبل رہا کردیں گے۔

واضح رہے کہ دیت اور جرمانوں کی ادائیگی کے بعد قیدیوں کی رہائی کے عمل کا آغاز ہوچکا ہے جس میں اب تک 514 قیدیوں کو رہا کیا جاچکا ہے جبکہ بقیہ 143 افراد کو عید سے قبل رہا کردیا جائے گا۔وزیراعلیٰ پنجاب نے کہا کہ پنجاب حکومت معاشرے کے دیگر حصوں کے ساتھ مل کر قیدیوں کی فلاح و بہبود کے لیے کام کررہی ہے۔ان کا کہنا تھا کہ انہوں نے حقیقی صورتحال کا بذات خود جائزہ لینے کے لیے ذاتی طور پر پنجاب بھر میں جیلوں کے دورے کیے تا کہ زمینی حقائق کے مطابق فلاحی اقدامات اٹھائے جائیں۔

دوسری جانب وزیر ریلوے شیخ رشید احمد نے عثمان بزدار سے فون پر عوامی فلاح و بہبود اور ملکی سیاسی صورتحال پر بات چیت کی۔اس موقع پر وزیراعلیٰ پنجاب کا کہنا تھا کہ موجودہ حکومت نے ہر سطح پر سادگی کو فروغ دیا ہے، ان کا مزید کہنا تھا کہ دستیاب وسائل کو منصفانہ طریقے سے استعمال کیا جائے گا تا کہ ہر شعبے کو ترقی کے یکساں موقع میسر ہوں۔

اس خبر پر اپنی رائے کا اظہار کریں