کورونا وائرس نے فیصل آباد میں بھی پنجے گاڑ لئے، شہریوں کے غیر محتاط رویے کہ باعث فیصل آباد پاکستان میں وائرس سے متاثرہ دسویں نمبر سے تیسرے نمبر پر آچکا ہے . ضلعی انتطامیہ نے حکومتی ایس او پیز پر عمل نہ کرنے والوں کے خلاف سخت ایکشن لینے کا فیصلہ کرلیا .
کورونا وباءنے فیصل آباد میں تباہی مچا رکھی ہے، وائرس سے اب تک 2000 سے زائد افراد متاثر ہوچکے ہیں جبکہ 50 سے زائد اموات ہوچکی. طبی ماہرین کے مطابق رپورٹ نہ ہونے والے متاثرہ شہریوں کی تعداد بھی ہزاروں میں ہے.ضلعی انتطامیہ نے پاک فوج اور پنجاب پولیس کی مدد سے سے کورونا وائرس سے بچاو¿ کے حفاظتی اقدامات نہ اٹھانے والوں کے خلاف کاروائیاں تیز کر دی ہیں. گھنٹہ گھر سے ملحقہ بازاروں اور مارکیٹوں میں ایس او پیز پر عمل نہ کرنے والی 300 سے زائد دکانیں سیل کر دی گئی ہیں
.اس کے علاوہ پولیس نے جگہ جگہ پر ناکہ بندی کرلی ہے جہاں پر فیس ماسک نہ پہننے والوں کو جرمانے کرنے کے ساتھ مختلف سزائیں دی جا رہی ہیں.ڈپٹی کمشنر فیصل آباد کا کہنا ہے کہ وباءکو ابھی کنٹرول نہ کیا تو صورتحال اٹلی اور امریکہ کی طرح بگڑنے کا خدشہ ہے، شہری اور تاجر ذمہ داری کا مظاہرہ کریں.جبکہ دوسری جانب ایک خبر کے مطابق سندھ میں گزشتہ 24 گھنٹوں کے دوران کورونا کے 1475 نئے کیس رپورٹ ہوئے جبکہ 19 مریض انتقال کرگئے ،سندھ میں کوروناسے جاں بحق افرادکی تعداد 634 ہوگئی.وزیراعلیٰ سندھ مرادعلی شاہ نے میڈیا کو بریفنگ دیتے
ہوئے کہاکہ اس وقت 388 مریضوں کی حالت تشویشناک ہے جبکہ 58 مریض وینٹی لیٹرپر ہیں، مرادعلی شاہ کاکہنا ہے کہ گزشتہ 24 گھنٹے میں 554 مریض صحت یاب ہوئے،صحت یاب مریضوں کی تعداد 18 ہزار 265 ہوگئی،انہوں نے کہاکہ کراچی سے 990 نئے کیسزرپورٹ ہوئے ہیں.وزیراعلیٰ سندھ نے سروسزہسپتال کراچی میں کورونایونٹ قائم کرنے کی ہدایت کرتے ہوئے کہاکہ عوام سے اپیل ہے وہ احتیاطی تدابیراپنائیں، احتیاطی تدابیرپرعمل نہ کرنے سے کوروناپھیل رہاہے.
