معروف نیوز اینکر طارق متین نے اپنے یو ٹیوب چینل پر گفتگو کرتے ہوئے انکشاف کیا ہے کہ لاہور میں قائم سٹی42 چینل اور نیشنل ٹرانسمیشن چینل 24 نیوز ان کی جانب سے ایک خبر نشر کی گئی . یہ خبر کورونا وائرس کی وبا اور حکومت پنجاب کیخلاف سازش سامنے آگئی ہے .
طارق متین نے بتایا کہ سٹی نیوز نیٹ ورک کے تمام ورکرز اپنی ٹاپ مینجمنٹ کے ساتھ اچھی طرح منسلک ہیں. انہوں نے مزید کہا کہ پنجاب حکومت کیخلاف پھیلائے جانے والی خبر مکمل طور پر غلط اور جھوٹی ہے.
اس گروپ کی جانب سے ایک غلط خبر بریک کی گئی کہ پنجاب میں کورونا وائرس پر ریسرچ کے لئے ایک یہودی تنظیم کے لئے ذمہ داری سونپی گئی ہے.24 نیوز نے آج ایک خبر چلائی جس میں کہا گیا کہ پنجاب حکومت نے کورونا وائرس پر ریسرچ کیلئے یہودی کمپنی کو تعاون پیش کردیا ہے جس کے بعد پنجاب میں کورونا وائرس پر تحقیق ایک یہودی کمپنی کرے گی. دو نجی نیوز چینلز نے اس خبر کی تردید کرتے ہوئے بتایا کہ در حقیقت کنگ ایڈورڈمیڈیکل کالج لاہور میں ہونے والی کورونا وائر س پر یہ تحقیق ڈاکٹر عمار سرور کی سربراہی میں ہوگی جو کے اسی میڈکل کالج سے ہی گریجویٹ ہیں، وہ ایک مسلمان، پاکستانی اوربین الاقومی شہرت یافتہ ریڈیالوجسٹ اور پبلک ہیلتھ سپیشلسٹ ہیں. کنگ ایڈورڈ میں ہونے والی اس ریسرچ میں ہائیڈروکسی کلوروکوئن پر تحقیق کی جارہی ہے . 24 نیوز نے اپنی خبر میں دعوی ٰ
کیا تھا کہ پنجاب حکومت نے کورونا وائرس کی ویکسین سے متعلق تحقیقات ایک اسرائیلی کمپنی کو سونپ دی ہیں،محکمہ صحت پنجاب نے پرائیویٹ ڈاکٹروں کو میڈیسن کی تیاری کا ٹاسک دیتے ہوئے یہودی کمپنی کو مکمل طور پر مالی تعاون بھی فراہم کردیا ہے. خبر کے مطابق پنجاب حکومت اس منصوبے کے تحت تیار کردہ ویکسین کا مریضوں پر تجربہ کرنے کا ارادہ بھی رکھتی ہے. جس کے بعد تمام قرنطینہ سینٹرز میں زیر علاج مریضوں سے حلف نامہ بھی لیا جارہا ہے کہ اگر ویکسین تیار کی گئی تو مریضوں کو اس کے استعمال پر اعتراض نہیں ہوگا.
