صدر عام نے مسجد حرام کی سلامتی کےخصوصی فورس کے اشتراک سے “مل کر احتیاط برتیں گے ” پیش رفت کا افتتاح کیا ۔
صدر عام برائے امور مسجد حرام و مسجد نبوی شیخ ڈاکٹر عبدالرحمن بن عبدالعزيز السدیس نے مسجد حرام کی سلامتی کےلیے خصوصی فورس کے اسسٹنٹ کمانڈر شہزادہ بدر بن سعود آل سعود کے اشتراک سے “مل کر احتیاط برتیں گے ” پیش رفت کا افتتاح کیا۔ رئاسہ عامہ کا ہدف یہ ہے کہ اس پروگرام کے تحت مسجد حرام میں کام کرنے والے تمام ملازمین کو شامل کیا جائے ۔
اس پیش رفت کے ذریعے مسجد حرام میں کام کرنے والے ملازمین کو کورونا وائرس ( کوفیڈ – 19 ) سےبچاؤ کے لیے رئاسہ اور متعلقہ حکام کی جانب سے بتائے گئے طریقہ کار سے آگا ہ کرنا ہے ساتھ ہی دونوں ہاتھوں کی جراثیم کشی اور ماسک کے استعمال کا درست طریقہ بتانا ہے ۔
رئاسہ نے کوشش کی ہے کہ تمام احتیاطی اقدامات کی پابندی کی جائےاور انہيں مسجد حرام کے اندر نافذ کیا جائے اور اس کے لیے رئاسہ نے اپنے تمام وابستگان ، ملازمین ، سیکوریٹی کے افراد اور مختلف سیکٹروں کے معاون اداروں میں کورونا وائرس کے پھیلاؤ کو روکنے والی متعدد تکنیک کا استعمال کیا ہے ۔ واضح رہے کہ پہلے ہی جسم کے درجۂ حرارت کی پیمائش کرنے والے جدید تھرمل کیمرے لگائے گئے ہیں تاکہ روزانہ ڈیوٹی پر آنے والوں کو مسجد حرام میں داخل ہونے سے پہلے ہی چیک کرلیا جائے ۔
رئاسہ عامہ نے زور دے کر کہا ہے کہ وہ ان احتیاطی اقدامات پر ضرورعمل در آمد کرے گا کہ ایسا کرنے سے اللہ عزوجل کی مشیئت سے مسجد حرام کی حفاظت ہوگی اور اس کے اندر کام کرنے والوں کے بیچ کورونا کو پھیلنےسے روکا جاسکے گا اور ایسا درست قیادت –اللہ اسے توفیق یاب کرے – کی خواہش اور تمام لوگوں کی سلامتی کے لیے کیا جارہا ہے ۔صدر عام نے مسجد حرام میں مغرب کی نماز سے قبل رہنما خطا ب بھی فرمایا۔
