161

ٹیبل ٹینس:راولپنڈی کے بہن بھائی،جو پاکستان کی پہچان بننے کیلئے تیار ہیں

ٹیبل ٹینس:راولپنڈی کے بہن بھائی،جو پاکستان کی پہچان بننے کیلئے تیار ہیں
گراس روٹ سے کھیل شروع کرنے والے زنیرہ خان اور ابوہریرہ پاکستان کی نمائندگی کر چکے
ڈبلیو آئی ٹی ٹورنامنٹس میں ینگ ٹیلنٹ کی غیر معمولی کامیابیاں،مزید مواقع کے منتظر

راولپنڈی(زین ملک)ٹیبل ٹینس میں راولپنڈی کے بہن بھائی،جو پاکستان کی پہچان بننے کیلئے تیار ہیں، گراس روٹ سے کھیل شروع کرنے والے زنیرہ خان اور ابوہریرہ پاکستان کی نمائندگی کر چکے۔ ڈبلیو آئی ٹی ٹورنامنٹس میں ینگ ٹیلنٹ کی غیر معمولی کامیابیاں،مزید مواقع کے منتظر ہیں۔میٹرو واچ رپورٹ کے مطابق راولپنڈی سے تعلق رکھنے والے دو نوجوان ٹیبل ٹینس کھلاڑیوں زنیرہ خان اور ابوہریرہ نے پنجاب کی کوچ یاسمین کے ساتھ لیاقت باغ منی کمپلیکس سے 2020میں ٹیبل ٹینس کھیلنا شروع کیا ہے۔ پاک فوج کے ساتھ بطور کوچ منسلک اظہر نے بھی ان کی تربیت میں بنیادی کردار ادا کیا۔ انہوں نے حال ہی میں ختم ہونے والے ڈبلیو آئی ٹی کنٹینڈرز ٹورنامنٹ میں غیر معمولی کارکردگی کا مظاہرہ کیا ہے، جس کا انعقاد بین الاقوامی ٹیبل ٹینس فیڈریشن ITTF کے ذریعے کیا گیا تھا، جو کہ 4 اکتوبر سے 7 اکتوبر 2023 تک العین، دبئی میں منعقد ہوا تھا اس ایونٹ میں تقریبا 700 سے زائد کھلاڑیوں کے ساتھ تقریبا 34 ممالک تھے۔ عزم اور مہارت کی ایک روشن مثال زنیرہ خان نے ٹورنامنٹ پر انمٹ نقوش چھوڑے۔ اس کی غیر معمولی صلاحیتیں پوری طرح سے دکھائی دے رہی تھیں کیونکہ وہ U11 اور U13 دونوں زمروں میں دو میچوں میں فتح یاب ہوئی تھی۔ دوسری طرف ابوہریرہ نے ٹیبل ٹینس کی دنیا میں حقیقی معنوں میں خود کو ایک ابھرتے ہوئے ستارے کے طور پر منوا لیا ہے۔ ٹورنامنٹ میں ان کی کارکردگی بھی شاندار تھی۔ ابوہریرہ نے U13 کیٹیگری کے رائونڈ آف 64 کے دوران اپنے گروپ میں دوسری پوزیشن حاصل کی، اور U11 کیٹیگری میں پری کوارٹر فائنل میں جگہ حاصل کی اور U11 کیٹیگری میں ٹاپ 8 میں جگہ بنانے کے قریب پہنچے اور 2017 کے بعد سے ڈبلیو آئی ٹی کنٹینرز کی سطح پر کوارٹر فائنل تک پہنچنے والے دوسرے پاکستانی مرد کھلاڑی کا اعزاز حاصل کیا۔ابوہریرہ نے اپنے مختصر لیکن شاندار کیرئیر میں 23 اگست کو لاہور میں ہونے والی سٹار لیگ 3 جیت کر اور پنجاب سپورٹس بورڈ کے زیر نگرانی حالیہ اوپن ٹیبل ٹینس ٹورنامنٹ میں دوسری پوزیشن حاصل کی ۔2022 میں قازقستان کے شہر الماتی میں ہونے والے ساتھ ایشین ہوپ چیلنج ویک میں ٹرافی جیتی۔ابوہریرہ کی لگن نے انہیں جونیئر نیشنل 2021 میں ٹیم کے میچوں میں چوتھی پوزیشن اور انفرادی ایونٹ میں پانچویں پوزیشن حاصل کرنے میں بھی مدد کی۔اس کے علاوہ انہوں نے پی او ایف کے زیر اہتمام انڈر 15 کیٹیگری ٹورنامنٹ، نیب کے زیر اہتمام اوپن ٹورنامنٹ، فانڈیشن اور شفا یونیورسٹیز کے زیر اہتمام ٹورنامنٹ کے جوڑے جیتے تھے۔ اس کے علاوہ وہ راولپنڈی میں پنجاب سپورٹس بورڈ کے زیر اہتمام راولپنڈی ڈسٹرکٹ اور ڈویژنل ٹورنامنٹ جیت چکے ہیں۔اسی طرح جونیئر ٹیبل ٹینس میں زنیرہ خان نے غیر معمولی مہارت کا مظاہرہ کیا۔ اس نے رمضان 2023 میں لاہور میں ہونے والے پنجاب گیمز میں رنر اپ پوزیشن حاصل کی۔ پنجاب سپورٹس بورڈ کی زیر نگرانی سٹار لیگ کے اہم ایونٹ میں شرکت کی۔ زنیرہ کی کامیابیوں میں پاکستان میں انڈر 12 کیٹیگری میں 01 نمبر پر آنا اور 2022 میں قازقستان کے شہر الماتی میں ساتھ ایشین ہوپ چیلنج ویک میں قوم کی نمائندگی کرنا شامل ہے۔ جونیئر نیشنل 2022 سنگلز کیٹیگری میں اس کی تیسری پوزیشن پر بھی اس کی صلاحیتوں کا اظہار ہوا۔ مزید برآں، زنیرہ نے انڈر 14 اور انڈر 18 کیٹیگریز میں چاندی کے تمغے جیت کر پنجاب ٹیم کی کامیابی میں اہم کردار ادا کیا۔ اس کی غیر معمولی کارکردگی نے اسے ماسٹر کپ میں Y23 کے لیے ٹاپ 16 کھلاڑیوں کے ایلیٹ گروپ میں جگہ دی۔ انہیں پاکستان ٹیبل ٹینس فیڈریشن نے انٹرنیشنل ٹیبل ٹینس فیڈریشن کے زیر اہتمام WTT کنٹینڈر برائے گرلز انڈر 12 ٹورنامنٹ میں پاکستان کی نمائندگی کے لیے نامزد کیا ہے۔

اس خبر پر اپنی رائے کا اظہار کریں