ویڈیو شیئرنگ سوشل میڈیا ایپ ٹک ٹاک جہاں دنیا بھر میں مقبول ہے تو وہیں پاکستان میں بھی بہت بڑی تعداد میں ٹک ٹاک صارفین موجود ہیں اور اس پر مقامی ٹک ٹاکرز بھی کافی مقبول ہیں۔
حال ہی میں پاکستانی ٹک ٹاکر جنت مرزا اس ویڈیو ایپلی کیشن پر ایک کروڑ فالوورز کے ساتھ پہلی پاکستانی ٹک ٹاکر بن گئیں۔
جنت مرزا اپنی منفرد ویڈیوز کی وجہ سے کافی مقبولیت رکھتی ہیں اور ان سے قبل کسی پاکستانی کو ٹک ٹاک پر ایک کروڑ فالوورز کا اعزاز حاصل نہیں ہوا۔
وہ اس وقت جاپان میں زیر تعلیم ہیں اور انہوں نے انسٹاگرام پر اپنے مداحوں اور فالوورز کے ساتھ اس کامیابی کو شیئر کیا اور ان کا شکریہ ادا کیا۔
جنت مرزا نے اپنی انسٹا اسٹوری میں لکھا کہ ‘کیا میں خواب دیکھ رہی ہوں؟ ایک کروڑ فالوورز، کبھی تصور نہیں کیا تھا کہ میرا شوق مجھے یہاں تک لے آئے گا، الحمداللہ’۔
انہوں نے لکھا کہ جب آپ دوسروں سے حسد نہیں کرتے تو پھر صلہ مل جاتا ہے۔
جنت مرزا نے اپنی انسٹا اسٹوری میں لکھا کہ سب کا شکریہ، اگر میں آج یہاں تو وہ صرف آپ کی وجہ سے، آپ لوگوں کے بغیر کچھ نہیں ہوں میرا ساتھ دینے کا شکریہ۔
بعدازاں جنت مرزا نے ٹک ٹاک پر بھی اپنی ایک ویڈیو جاری کی تھی جس میں انہوں نے اپنے فالوورز کا شکریہ ادا کیا تھا۔
