48

شاہد کپور بھی پارٹی گرل کے مداح بن گئے، ویڈیو بناڈالی

ممبئی: پارٹی گرل دینانیر مبین کی ویڈیو پاکستان کے بعد سرحد پار مقبولیت کے جھنڈے گاڑتی دکھائی دے رہی ہے۔

پاکستانی یوٹیوبر دینانیر مبین نے گزشتہ ہفتے دوستوں کے ساتھ نتھیا گلی کی سیر کے دوران انسٹاگرام پر ایک ویڈیو اپ لوڈ کی جو اتنی وائرل ہوئی کہ لوگ سوشل میڈیا پر مختلف میمز بناکر اپ لوڈ کرتے رہے اور اس میں فنکاروں سمیت قومی کھلاڑی بھی شامل رہے۔

پارٹی گرل کی ویڈیو ’’یہ ہم ہیں‘‘ پر میمز بننے کا سلسلہ اب سرحد پار پہنچ چکا ہے جہاں بالی ووڈ کے معروف شخصیات کے علاوہ بھارتی پولیس اور بینک سمیت ہر کوئی اس کو انجوائے کررہا ہے۔

بالی ووڈ کے چاکلیٹی ہیرو شاہد کپور فوٹوشیئرنگ ایپ انسٹاگرام پر بہت زیادہ متحرک رہتے ہیں اور وہ مداحوں کو محظوظ کرنے کا کوئی بھی موقع ہاتھ سے جانے نہیں دیتے اور اس بار انہوں نے ’’پارٹی ہورہی ہے‘‘ کے ٹرینڈ پر ویڈیو اپ لوڈ کی جسے مداحوں کے جانب سے بے حد پسند کیا جارہا ہے۔

شاہد کپور نے جو ویڈیو اپ لوڈ کی اس میں وہ اپنی نئی آنے والی فلم ’’جرسی‘ کے سیٹ پر موجود ہیں جس میں ان کے ساتھ تیلگو اداکارہ رشی کھنہ اور دیگر اداکارہ بھی موجود ہیں جب کہ فلم کے ہدایت کار شاہد کپور پر کیمرہ فوکس کرکے کہتے ہیں یہ ہمارا اسٹار ہے، یہ ہماری ٹیم ہے اور ہم پارٹی کررہے ہیں۔

جس کے بعد شاہد کپور نامور بھارتی گلوکار یو یو ہنی سنگھ کا گانا ’’پارٹی آل نائٹ‘‘ گانا شروع کردیتے ہیں۔

اس خبر پر اپنی رائے کا اظہار کریں

شاہد کپور بھی پارٹی گرل کے مداح بن گئے، ویڈیو بناڈالی” ایک تبصرہ

  1. Originally I wanted to buy a more expensive one, but it was not bad. I wanted to buy one and try it. After I got it, I thought it was very good. After showing it to my husband and friends, I couldn’t see the difference. It was natural and there was no difference. What color difference, very good 👍

اپنا تبصرہ بھیجیں