6

العزیزیہ، فلیگ شپ ریفرنسز پر نیب کی اپیل سماعت کیلئے مقرر

اسلام آباد ہائی کورٹ نے العزیریہ اور فلیگ شپ ریفرنسز میں قومی احتساب بیورو (نیب) کی اپیلیں بھی سماعت کے لیے مقرر کردیں۔

نیب کی جانب سے دائر کی گئی اپیل پر اسلام آباد ہائی کورٹ کا ڈویژن بینچ 21 جنوری کو سماعت کرے گا۔

خیال رہے کہ اسلام آباد ہائی کورٹ کا ڈویژنل بینچ جسٹس عامر فاروق اور جسٹس محسن اختر کیانی پر مشتمل ہے۔

یاد رہے کہ سابق وزیراعظم نواز شریف کی جانب سے بھی العزیزیہ اسٹیل ملز ریفرنس میں سزا کی معطلی کے خلاف درخواست پہلے سے ہی دائر ہے۔

نواز شریف کی اپیل پر اسلام آباد ہائی کورٹ میں سماعت 21 جنوری کو ہی سماعت کے لیے مقرر کی جاچکی ہے۔

اس خبر پر اپنی رائے کا اظہار کریں