سلمان خان کے شو بگ باس کی اہم رکن ٹریفک حادثے میں ہلاک

ممبئی: بالی ووڈ اداکار سلمان خان کے مشہور شو ’’بگ باس‘‘ کی اہم رکن ٹریفک حادثے میں ہلاک ہوگئیں۔

بھارتی میڈیا کے مطابق مقبول ترین بھارتی متنازع شو ’’ بگ باس 14 ‘‘ کی ٹیلنٹ منیجر ٹریفک حادثے میں ہلاک ہوگئیں۔ افسوس ناک واقعہ عین اُس وقت پیش آیا جب خاتون شوٹنگ کرکے واپس گھر جا رہی تھیں۔

پستہ دھکڑ شو کی شوٹنگ کے بعد اپنی اسسٹنٹ کے ہمراہ بائیک پر جا رہی تھیں تاہم اس دوران اندھیرے کے سبب اُن کی بائیک راستے میں گڑھے کی وجہ سے بے قابو ہوکر پھسل گئی جس کی وجہ سے دونوں خاتون سڑک پر گرگئیں۔